ماندو العدل يكشف تفاصيل مسلسل يوسف الشريف “الراكون”

حل المخرج محمد جمال العدل ضيفاً على البرنامج الإذاعي “الراديو بيضحك” على راديو “9090”.

وتطرق “ماندو” لأحدث أعماله السينمائية هذا العام وهو فيلم “ع الزيرو” بطولة النجم محمد رمضان والذي عرض مؤخراً بموسم أفلام الصيف، ويلقي نجاحاً ملحوظاً بشباك التذاكر، كما تحدث عن مسلسله الجديد “الراكون” بطولة الفنان يوسف الشريف في أول تعاون لهما معاً في الدراما التليفزيونية والمقرر عرضه بموسم رمضان 2024.

وعن كواليس مسلسل “الراكون” قال: “متحمس جداً للتجربة، أنا بحب يوسف الشريف كمتفرج وعمري ما اشتغلت معاه وكنت دايماً بتفرج على مسلسلاته وبحس انها حاجة مهمة وهو عنده قاعدة شعبية رهيبة في المسلسلات، فأتمنى إني أشتغل معاه أنا عندي طريقة وعندي ستايل وأعمالي ليها طابع وهو عنده أعمال ليها ستايل”.

واستكمل: “أتمنى أن الميكس ده اللي بين العالمين دول يخلقوا حاجة كويسة وهو مجتهد أوي وراجل قمة في الاجتهاد والتركيز، وعارف إن فيه جمهور كتير مستنية فعايز يعملهم حاجة مرضية، فأتمنى التركيبة تطلع حلوة، وهو مسلسل اجتماعي، وعنده الحاجات اللي الناس بتحبها فيه، اللي هي فكرة أنك ممكن متبقاش فاهم فكرة الحبكة جداً وفيه مفاجآت ومسلسل موتر ومشوق، ولكن تحت بند أنه مسلسل اجتماعي”.

للمزيد : تابعنا هنا ، وللتواصل الاجتماعي تابعنا علي فيسبوك وتويتر .